Ռուսաստանի Դաշնության պաշտպանության նախարարի տեղակալ է նշանակվել Աննա Ցիվիլևան՝ Վլադիմիր Պուտինի զարմուհին։ Նախագահի համապատասխան հրամանագիրը հրապարակվել է հունիսի 17-ին, այն ուժի մեջ է մտնում ստորագրման օրվանից։

2023 թվականի ապրիլին Ցիվիլևան գլխավորել է «Հայրենիքի պաշտպաններ» «հատուկ ռազմական գործողության» մասնակիցներին աջակցելու պետական ​​հիմնադրամը։

Ցիվիլևայի ամուսին Սերգեյը ղեկավարել է Կեմերովոյի մարզը մինչև 2024 թվականի մայիսը, այնուհետև նշանակվել է Ռուսաստանի Դաշնության էներգետիկայի նախարարի պաշտոնում:

Պուտինի մեկ այլ հրամանագրով պաշտպանության նախարարի տեղակալի պաշտոնում նշանակվել է Պավել Ֆրադկովը՝  ՌԴ նախկին վարչապետ Միխայիլ Ֆրադկովի որդին։